خزين البيت للعروسة الجديدة، عندما تقبل كل بنت على خطوة الزواج وتبدأ في تجهيز عش الزوجية والقيام بفرش بيتها كاملا قبل الفرح ببضعة أيام تتجه إلى شراء خزين البيت كامل وكل احتياجات البيت كل كبيرة وصغيرة لذلك نقدم لكم اليوم من خلال موقع أم دوت طفل موضوع شامل ومتكامل عن خزين البيت للعروسة الجديدة، سنتعرف على خزين الثلاجة والفريزر وكل ما يحتاجه المنزل من فواكه وخضروات وبقوليات للمنزل حتى لا تنسى أي فتاة مقبلة على الزواج أي شيء تحتاجه في بيتها لأن فترة التجهيزات تكون فترة صعبة ومزدحمة جدا فنكتب لكي كل ما تحتاجينه.
خزين البيت للعروسة الجديدة 2022
خزين البيت للعروسة الجديدة، تحتار كل عروسة أثناء تجهيز عش الزوجية في احتياجاتها الأساسية والضرورية من خزين البيت، واليوم سنسهل عليكي الكثير بتقديم كل ما تحتاجينه من خزين البيت للعروسة الجديدة، كما يلي:-- هنبدأ بكل احتياجات بيتك ياعروسة من العطار هنشتري أول شيء البهارات والتوابل المختلفة من حبهان، مستكة، ورق لورا، فلفل أسود، ملح، كمون، زنجبيل، كزبرة ناشفة، بابريكا، ثوم بودر، بصل بودر، بهارات حواوشي، بهارات لحمة، بهارات فراخ.
- هنكمل البهارات من السبع بهارات، شطة، قرفة، روز ماري، ريحان، نعناع، قرفة، كركم، سماق، وكده نكون خلصنا من قسم البهارات ونتنقل لقسم تاني.
- هنجيب من العطار بعض المشروبات اللي هتحتاجيها في البيت من ينسون، حلبة، نعناع، كركديه، كاكاو، شاي، تمر هندي، أي مشروبات بتحبيها ضيفيها.
- هنتنقل للبقوليات المتنوعة من عدس أصفر، وعدس جبة، لوبيا ناشفة، فاصوليا ناشفة، ملوخية ناشفة، فول، حمص، فريك، بليلة.
- هنحتاج نشتري كمان دقيق، بقسماط، دقيق بسبوسة، نوع السمنة المفضل، مكسرات، جيلي، كريم كراميل، نسكافيه، كابتشينو، قهوة، فانيليا، خميرة، بيكينج بودر، طحينة.
- أنواع المكرونات من صغيرة وقلم واسباجيتي ولسان عصفور، وشعرية، وكمان هنشتري كمية مناسبة من الأرز الأبيض وبكده نكون جهزنا جزء كبير وأساسي من خزين البيت للعروسة الجديدة.
جهاز العروسة خزين المطبخ
خزين البيت للعروسة الجديدة، كل عروسة هتبدأ في بيت جديد لازم يكون البيت جاهز من كل الأساسيات والضروريات عشان تعرف تستمتع بحياتها في البداية وتتأقلم على الدنيا الجديدة اللي هتعيش فيها عشان كده هنعرف مع بعض النهاردة حاجات كتير من خزين البيت للعروسة الجديدة:-- بعد ما انتهينا من قائمة العطار هنبدأ في كل المتطلبات اللي العروسة هتحتاجها من السوبر ماركت وهتكون أساسية في بيتها، هتحتاج العروسة مختلف أنواع الجبن من رومي وبيضاء ومثلثات وشيدر، كمان هتحتاج تشتري لانشون، حلاوة طحينية، زبادي، لبن.
- بيض، سكر، زيت، خل، مربى، بسطرمة، لانشون فراخ، زبده، مخلل، كريمة حلويات، كريمة طبخ، كاتشب، مايونيز، دبس رمان، عسل أسود، صويا صوص، تونة، صلصة، آيس كريم، لبن بودر.
- كمان هنحتاج مشروبات غازية وعصائر مختلفة للتقديم للزيارات في بداية الزواج، وده بالإضافة للكعك والبسكويت والبيتيفور الخاص بالعروسة وزوارها.
- هنحتاج لبعض المنتجات النصف جاهزة من بطاطس نصف مقلية، منتجات الدجاج المختلفة من بانية، استريبس، ناجتس، برجر فراخ، وكمان هنجيب جبنة موزاريلا.
- هنحتاج من السوبر ماركت بعض الأطعمة النصف مقلية كالكفتة، والبرجر، وستيك برجر، ومن الممكن أيضا شراء أطباق من اللحم المفروم، والكبدة، وبفتيك اللحم، والشيش طاووق المتبل.
خزين العروسة بالتفصيل
خزين البيت للعروسة الجديدة، طبعا كتبنا حاجات كتير وهنكتب أكتر بس محتاجه أقول إن مش كل حاجة لازم نجيبها نجيب الأساسيات وحاجات بسيطة مش كميات وربنا يسعد كل البنات، تابعونا مع خزين البيت للعروسة الجديدة:-- كل عروسة هتدور على اللي يريحها وتجيبه وطبعا لا غنى عن المنظفات الشخصية والغير الشخصية في منزل العروسة من أول يوم، عشان كده لازم يكون موجود نوع مسحوق مميز بتستخدميه لغسيلك، كلور أبيض، كلور ألوان، زهرة زرقاء، زهرة بيضاء.
- كمان هتحتاجي معطر ملابس مميز، ونوع صابون للمواعين وليفة مواعين، وسلك مواعين، بالإضافة إلى معطر للجو وللحمام، وممكن تستخدمي نوع بخور مميز في بيتك بيكون أجمل وأرق وراحة نفسية.
- مسحوق غسيل أرضيات، صابون للوجه وصابون ديتول، سائل ديتول للأرضيات، ملمع زجاج، ملمع موبيليا،الشامبو المناسب لكي، والشاور جيل دي الأساسيات اللي هتحتاجيها لنظافة بيتك، وبكده نكون جهزنا كم كبير من خزين البيت للعروسة الجديدة.
خزين الفريزر للعروسة
خزين البيت للعروسة الجديدة، بالجزء السابق نكون جهزنا جزء كبير من جهاز العروسة ومكملين وهنتعرف على محتويات الفريزر اللي هتحتاجه كل عروسة تفصيليا من خلال خزين البيت للعروسة الجديدة، كما يلي:-- فريزر العروسة لازم يكون فيه كل الأساسيات يعني فراخ بأنواعها، بانيه، شيش طاووق، أوراك، أجنحة، وسمان، وبط، وكبد وقوانص الفراخ، وحمام.
- كمان اللحمة لازم منها قطع ومفروم وستيك وكفتة الحاتي، وكفتة أرز، وكبدة، وسجق بلدي، ولحم ضاني.
- الأسماك والمأكولات البحرية فمن الممكن أن تحتفظي في الفريزر بالسمك الجاهز للقلي، والكالماري، والجمبري، ومكونات شوربة البحر لتحضير أجمل الأكلات.
- لو حبيتي تضيفي أي شيء حسب الإمكانيات والأعداد تكون في المعقول عشان تكوني نوعتي من كل حاجة وكمان مافيش أي شيء يفسد، وبكده نكون جهزنا معظم خزين البيت للعروسة الجديدة.
قائمة خزين ومشتريات المنزل للعروسة
خزين البيت للعروسة الجديدة، في كل اللي فات مانسيناش حاجة ومعاكي خطوة بخطوة في بيتك وكل اللي يحتاجه عشان نساعدك تكمليه وتكملي فرحتك على الخير، ومن خلال التالي هنقدم آخر جزء من خزين البيت للعروسة الجديدة:-- بعد ما انتهينا من جزء كبير من تجهيزات خزين البيت للعروسة الجديدة، هنكمل الناقص البسيط من المخبوزات من عيش، وكماجن وقرص، فطير مشلتت، قرص بعجوة، قرص بملبن.
- ماعدش فاضل للعروسة غير الخضروات والفواكه وهنبدأ بالخضروات الأساسيات زي البصل والطماطم، والفلفل الأخضر، والبطاطس، والخضرة، وأي خضار موجود في الوقت ده سواء بسلة، كوسة، قلقاس، قرنبيط، لوبيا خضراء، بامية، ملوخية، سبانج، باذنجان، فلفل ألوان، فلفل حامي أي شيء ممكن يتجهز جهزيه واحفظيه في الفريزر.
- أما الفواكه فأكيد هنجهز الفواكه الموجودة في الموسم اللي هنتجوز فيه ونشتريها ونخليها في البيت يوم الفرح الصبح عشان ماتتعرضش للفساد، ومن الأساسيات للفواكه الموجودة بصفة مستمرة التفاح والموز، وأي فاكهة أخرى موجودة وبنحبها، وكمان تكون الكمية لأصناف الفاكهة قليلة ماتزيدش عن اتنين كيلو عشان ما تتعرضش للفساد بسرعة.
- كده حضرنا كل شيء ممكن تحتاجه كل عروسة في بيتها وأكتر وكل عروسة هتراعي الكمية اللي هتحتاجها والأصناف اللي بتحبها مع شريك حياتها.
