الخراف السبع| قصص أطفال مكتوبة

الخراف السبع, في يوم من الأيام كان فيه بيت صغير مصنُوع من الطوب الأبيض كان ساكن فيه شوية خرفان عددهم 7 ومعاهم أمهم, كانوا عايشين في سلام وأمان, بس كانت أمهم كل يوم بالليل تجهزلهم العشا وتحطلهم فيه دوا منوم لسبب معين, بس ياترى إيه السبب اللي يخليها تعمل كدا؟, وهل فعلًا كان فيه حاجة قلقاها ومخلياها تعمل كدا بسبب خوفها على عيالها, ولا في أسباب تانية احنا مش عارفينها؟, كل الإجابات دي هنعرفها على موقع أم دوت طفل في أحداث قصة الخراف السبع. الخراف السبع, قصص أطفال مكتوبة قبل النوم.

الخراف السبع| قصص أطفال مكتوبة

بتبدأ قصة الخراف السبع بليلة هادية ولطيفة في جو دافي على حرارة الدفاية اللي كانت في الصالة, خصوصًا إن الوقت دا كان في الشتا, والأم كانت كل ليلة تقعد مع عيالها جانب الدفاية على طرابيزة الأكل تحكيلهم مغامرات أبوهم الممتعة, بس فين أبوهم دا وليه مش معاهم؟, كل دا هتعرفوه معانا:

• كانت أم الخراف السبع بتحضرلهم شوربة البسلة وكل عيالها كانوا قاعدين على طرابيزة الأكل محترمين, ومستنين الأكل اللي أمهم بتحضره جوا في المطبخ, كانوا بيتكلموا عن بكرة هيعملوا إيه وهيلعبوا إيه.
• إلا خروف منهم كان أضغرهم وهو اللي كان بيتحرك مع مامته, وكان بيجهز معاها طرابيزة العشا وبيحط عليها الأطباق والمعالق اللي هياكلوا بيها.
• كان الخروف الصغير حبيب أمه وكانت بتخاف عليه أكتر من إخواته التانيين لأنه آخر العنقود, وهو كمان كان متعلق بأمه أوي ومش بيسيبها في الرايحة والجاية, عكس إخواته الكبار اللي كانوا دايمًا بيعاندوها وميقتنعوش برأيها.
• كان الخروف الصغير نحيف أوي ومش بياكل كتير, عشان كدا كان حجمه صغير أوي عكس اخواته التخان المربربين, فكان اهتمام أمه ليه زايد حبتين, بس مع ذلك مكانش فيه أي غيرة لأنهم عارفين إنه لسا صغير.
• وفي يوم جات أمهم وهي شايلة حلة الشوربة السخنة وبيطلع منها البخار, وكل واحد ماسك طبقه ومستني نصيبه من الشوربة, وبعد م حطت لكل واحد أكله في طبقه بدأت تتكلم معاهم زي كل ليلة وتحكيلهم الحواديت.
• بس كانت الحواديت دي مش مجرد حواديت قبل النوم, كانت بتديهم نصايح بيها وتجمد قلبهم وبرضو بتحذرهم من التهور, وكانت دايمًا تجيب سيرة أبوهم وتشجعهم إنهم يكونوا زيه, وحكتلهم عن مساعداته لغيره من الحيوانات.
• وإنه في مرة أنقذ قطة ضعيفة من الذئب اللي كان متربص بيها وعايز ياكلها, وشالها في بؤه ورجعها لأهلها وكان اللي مركز أوي في كلامها ابنها الصغير سمسم, وكان بيحلم يكون زي أبوه لما يكبر.
• وفي نهاية كلامها قالت إن في ذئب موجود في كل مكان في المدينة, ومش بعيد يكون قريب منهم فلازم يكونوا حذرين وميفتحوش الباب لأي حد, وطبعًا لازم يكونوا أذكياء طالما إنهم مسمعوش صوت مامتهم ومشافوش ايدها من الشباك يبقا دا الئب.
• وخوفتهم من إنهم يخرجوا برا طالما إنها مش موجودة معاهم لأنه فيه خطر كبير عليهم, وبعدين خلصت كلامها وقالتلهم يلا جه وقت النوم ولازم كل واحد ينام بدري, الخراف السبع راحوا يناموا فعلًا وهم متحمسين إنهم يصحوا بكرة ويكملوا لعب.

مواضيع قد تهمك: الأميرة النائمة| قصص أطفال قبل النوم. الخراف السبع, قصص أطفال مكتوبة قبل النوم.

مكر الديب بالخراف السبعة

في الليلة دي الأم نسيت إنها تحط المنوم في الأكل لعيالها الخراف السبع وحطت بداله حاجة تانية, وهي كانت في الأساس بتعمل كدا كل ليلة عشان تروح تتسوق وهم نايمين فبالتالي تكون مطمنة إنهم مش هيفتحوا للذئب لما يخبط عليهم, يا ترى إيه اللي هيحصل للخراف السبع؟, دا اللي هتعرفوه معانا في الآتي:

• الليلة اللي فاتت الأم انشغلت أوي في شغل البيت لدرجة إن مخها اتشتت, وبدل ما تحط لعيالها المنوم في الأكل حطت حاجة تانية شبهه, ودا كان سبب إن الخراف السبع يصحوا بدري لأول مرة وأمهم مش موجودة في البيت.
• بس أول واحد صحي هو آخر العنقود وكان حاسس بوجع في بطنه, وقام يدور على مامته بس ملقيهاش لأنها كانت خرجت قبل م يصحى, راح لأخوه الكبير عشان يصحيه وقاله أنا عايز أروح الحمام بس خايف.
• راح أخوه وأخده معاه للحمام لحد ما خلص, كانوا بقية الخراف قامت من النوم هي كمان وكل واحد منهم بيتخانق مع التاني على مين يدخل الحمام الأول, بس طبعًا اتحلت لما أخوهم الكبير اتدخل.
• وفضلوا قاعدين بعاد عن بعض ومش طايقين بعض كل واحد مشغول في حاجة, ومستنيين إن أمهم ترجع وتجيب الفطار معاها, بس الأم إتأخرت وهم حسوا بملل في اللحظة دي الباب خبَط.
• راح الخروف سمسم يجري ناحية الباب عشان يفتحه بس معرفش, لأن مقبض الباب كان عالي وهو قصير ولسا صغير, بس أخوه الكبير قاله تعالى يا سمسم مينفعش نفتح الباب إلا لما نتأكد إنها أمنا.
• كان الأخ الكبير اسمه سعدان وكان ذكي أوي ورزين, والخبط سكت وبعد خمس دقايق رجع من تاني ففي واحد منهم قاله ولنفرض دي مامتنا هنسيبها كدا على الباب انا هروح أفتحلها, لكن سعدان منعه.
• وفكرهم كلهم بكلام مامته إمبارح ونصايحها وإن دا إحتمال كبير أوي يكون الديب, وعشان يأكدلهم قاله لو أنت أمنا إديلنا دليل, ردي علينا مثلًا عشان نفتحلك الباب, طبعًا الذئب رد وهو بيتصنع صوت الأم بس كشفوه.
• لأن صوته كان خشن وخافوا لما لاقو إن أخوهم كان عنده حق, وكان ممكن ياكلهم الديب لو كانوا فتحوله الباب, ولكن الديب ميأسش وكرر محاولاته والمرة دي أكل عسل عشان صوته ينعم, بس سعدان طلب يشوف ايده.
• وايده كان لونها أسود فكلهم مسكوا المقشات اللي في البيت وضربوه بيها من شباك الباب, بس الديب عرف إزاي يضحك عليهم المرة الجاية وينتقم منهم, فراح ملون ايده بكيس من الدقيق الأبيض كان سرقه من بيت قريب.

مواضيع قد تهمك: قصص أطفال قبل النوم مكتوبة| ملكة الثلج. الخراف السبع, قصص أطفال مكتوبة قبل النوم.

رجوع الأم أخيرًا من المزرعة

انخلع قلب الأم لما رجعت من المزرعة وشافت باب البيت مفتوح ودخلت ملاقيتش عيالها الخراف السبع, يا ترى هل الأم هتقدر تعمل حاجة عشان تنقذ عيالها؟, ولا خلاص الموضوع انتهى ولازم ترضى بقدرها؟, دا اللي هتعرفوه معانا على موقع أم دوت طفل في النقاط التالية:

• فعًلا قدر الديب يضحك على الخراف السبع ويخدعهم, لحد مفتحوله الباب وأكلهم كلهم إلا الخروف الصغير سمسم اللي استخبى في مكان جانب الساعة الكبيرة المتعلقة على الجدار في الصالة.
• الديب بعد ما أكل الخراف الستة نام ونسي خالص إن في واحد سابع, والخروف فضل مستخبي مش قادر يخرج لحد ما رجعت أمه وسمع صوتها وهي بتعيط, فطلعلها وحس بالأمان في وجودها.
• واتفقوا مع بعض ازاي يخرجوا إخواته من بطن الديب, وهو ساعدها بأنه جابلها علبة المقصات اللي في أوضتها عشان تقص بيها بطن الديب وتطلع منها إخواته.
• بس الأول هي حطت للديب حباية منومة جوا بؤه وهو فاتحه, لأنه كان بيتنفس من بؤه في الوقت دا وكانت بطنه منفوخة وبتتحرك, فالأم فرحت وعرفت إن عيالها الستة لسا بخير.
• فعلًا خرجوا الخراف الستة من بطن الديب وهم فرحانين, واتجمعت الأسرة واتلم الشمل من جديد واتخلصوا من الديب ورموه في النهر, وتوتة توتة خلصت الحدوتة.

مواضيع قد تهمك: قصص أطفال قبل النوم مكتوبة| الجميلة والوحش. الخراف السبع, قصص أطفال مكتوبة قبل النوم. وفي نهاية قصة الخراف السبع موعظًة وحكمة لكُل طفل, وهُو انه لازم يسمع كلام مامته لأنها هي المدرسة الأصلية اللي لازم ياخد منها النصايح والمعلومات, ولازم يسمع كلامها وإلا هيتعرض لمخاطر كتير في حياته هو معندهوش أي فكرة عنها, وعلى موقع أم دوت طفل هننشرلكم قصص أحلى وأجمل قبل النوم تابعونا.