الجميلة والوحش| قصص أطفال بالعامية

الجميلة والوحش، النهارده هنحكلكم قصة حلوه بس لازم ناخد منها عبرة، وهي بتتكلم عن إننا منحكمش على حد من غير ما نعرفه وكمان منحكمش على حد من شكله، لأن ممكن الإنسان يكون من بره وحش، بسبب ظروف كتير مر بيها، لكن من جوه إنسان كويس، هو ده اللي حصل معنا في حكايتنا النهارده بتاعه الأمير اللي تحول وبقى وحش، عشان حاجه واحدة بس عملها، وهيا أنه على ست كبيرة و وحشة ومتبهدله من غير ما يعرفها، وما رضاش حتى يأكلها ولا يدفيها في الشتاء، وخلاها في عز الليل تبات في الشارع، تابعوا معاما قصة الجميلة والوحش عبر موقع أم دوت طفل. الجميلة والوحش| قصص أطفال بالعامية

الجميلة والوحش

• في يوم من الأيام في قرية صغيرة عاشت بيل الجميلة، بيل كانت بنت حلوة وجميلة، بتحب الكتب وبتحب القراءة.
• و كانت مرحة جدا، كل يوم تصحي الصبح وتروح السوق وتشتري أكل، وكمان تعدي على المكتبة تاخذ كتاب جديد وترجع الكتاب القديم.
• أبو بيل كان مخترع وكل يوم يفكر في فكرة جديدة، يعمل منها اختراع علشان ينجح ويبهر كل الناس.
• وفي عالم موازي من قريه بيل في قصر قريب من قريتها، كان في أمير مغرور معاه فلوس كثيرة وخدم وحشم كلهم هدفهم الوحيد في الحياه أنه الأمير ده يكون مبسوط.
• وفي يوم من الأيام كان يوم شتاء والجو برد أوي، خبط حد على باب الأمير، وكانت ست عجوزة، بصت له كده وقالت له يأويها عنده في القصر النهارده، وقالتله خليني ابات الجو ساقعه أوي.
• بص لها الأمير كده بقرف وقال لها، واحده زيك ما تدخلش القصر بتاعي، أنت شكلك وحش ولبسك مبهدل ورجلك كلها طين، زعلت الست العجوزه وعيطت وبصت له وقالت له، خليني عندك النهارده بس أنا مش عارفه أروح فين.

شاهد أيضاَ: بياض الثلج والأقزام السبعة| قصص ديزني بالعامية الجميلة والوحش

تحول حياة الأمير الجميل لمسخ بشع

• رفض الأمير بعد محاولات كثيرة من الست العجوزه، وفجأة بعد ما رفض الأمير، ساعتها اتحولت الست العجوزة لساحرة شابه شكلها جميل، بصتله وقالت له خذ الوردة دي.
• وراحت حولته لوحش شكله بشع ومقرف قوي، وقالت له أن اللي حصل له ده مش هيتشال إلا في حالة واحده بس، وهو أن يلقى واحده تحبه بمنظره البشع المقرف، لأنه مسخ ووحش وماحدش يبصله.
• اختفت الساحرة وسابت الأمير اللي تحول وبقى مقرف وبشع في القصر الكبير لوحده مسكين، لا وكمان مستكفتش بكده دي حولت كل الخدم والحشم جوه القصر لأدوات، منهم مكنسة ومنهم فنجان ومنهم درج.

الجميلة والوحش

يوم عظيم لوالد بيل

• تعالوا نرجع تاني للقرية، والد بيل ربنا كرمه، وعرف يعمل اختراع، وقال لبنته بيل، أنا هاروح أعرض الإختراع بتاعي ده النهارده، وراح يبدأ رحلته، وكان والد بيل عارف الطريق، لكن الدنيا تلخبطت معاه، وتاه في الغابة، والجو تلج، ومعرفش يعمل ايه.
• وهو ماشي كده بص لقى قصر الأمير المسحور،وفرح جداً أنه لفطقي مكان يبات فيه، وفضل والد بيل ينادي بأعلى صوت " في حد هنا، في حد هنا" محدش رد عليه، راح للباب لقاه مفتوح ودخل.
• بعد مدخل بابا بيل المخترع جوه القصر، رحب بيه الخدم بتوع الأمير، وتبسط الخدم المسحورين، وقالوا له يقعد، وجابوله، أكل وشربه، وفجاه سمعوا صوت الأمير المسحور بيزعق ومتضايق قوي.
• وده لأن حد دخل القصر بتاعه بدون ما يستأذن منه، راح جاي كده وجرى على والد بيل وماسكه كده من أيده، ورماه في الحبس، وقال له أنت مش هتخرج من هنا تاني عشان تاني مره ما تدخلش مكان مش مكانك.

شاهد الزوار:علاء الدين وياسمينا| قصص ديزني بالعامية الجميلة والوحش

الجميلة والوحش| حياة بيل في القصر

• بعد ما ولدت بيل تحبس في القصر فضلت بنته تدور عليه كل يوم، لحد ما شافت القصر المسحور ودخلت، وفضلت تدور على باباها، ولما لقيته مسكها الوحش.
• و فضل يزعق عليها راحت بيل تترجاه أنها تتحبس بدل باباها لأن باباها كبير في السن وتعبان ومش هيتحمل الحبس.
• بعد محايله وترجي كتير من بيل، أخيراً قبل الوحش أن يخليها محبوسه، بدل باباها، وهنا والد بيل بقي حر، لكن رجع القرية عشان يدور على حد يساعده أنه يرجع بنته.
• أول موصل قريته، راح للكافيه بتاع البلد، وكان قاعد هناك جاستون والناس التانين الوحشين، صحابه، راح يفهمهم القصة ويقول لهم اللي حصل معاه ومع بنته المسكينة اللي اتحبست.
• راح والد بيل يحكي لجاستون المغرور أنه عايز مساعدة عشان يخلص بنته من الوحش، ولو هنسأل اشمعنا جاستون!! جاستون دا بيحب بيل وعايز يجوزها، لكن بيل رافضة لأنه شخص مغرور وغبي ومش مناسب ليها خالص، وبرغم كدا كلهم سخروا من المخترع، وقاله عنه أنه اتجنن.
• ومكنش لوالد بيل حيلة غير أنه يساعد بنته بنفسه، ومقدرش المسكين يعمل حاجة، ومكنش قدامه غير أنه يستني بنته وهو يآئس وحزين، ودا خلاه تعب أوي، من كتر مكان حزين على بنته المسكينة.

الجميلة والوحش

بيل والأمير في قصة حب

• وفي يوم من الأيام بعد ما عاشت مع الوحش واتعودت عليه وبقوا صحاب، وبقيت تاكل معاه، بس طبعاً دا مكنش بسهولة، بيل في الأول حاولت تهرب من القصر، وانقذها الأمير المسحور من الذئاب، اللي كانوا هياكلوها.
• وعلى الرغم من أنها كانت عايزه تهرب منه، لكن الوحش دافع عنها وتصاب بجروح كتير، بيل مسبتهوش، وفضلت معاه لحد ما الجروح تتحسن، وفي الفترة دي لتعرفوا على بعض وبقا كل شيء لطيف ما بينهم، وهنا الوحش حب يكافئ بيل، واداها مراية سحرية تقدر تشوف بيها والدها.
• وفي يوم من الأيام بتبص بيل في المراية، وتشوف باباها تعبان قوي فتطلب من الوحش أنه يخليها تروح تشوفه.
• الوحش قبل أنه يخلي بيل تروح لوالدها وراحت بيل تشوف باباها، واعتنت بيه وعملت له الأكل والشرب كل يوم، لحد ما باباها اتحسن وبقى كويس.

الجميلة والوحش

مواجهه جاستون وهزيمته

• وفي يوم من الأيام، جاستون الشرير راح لحد باب بيتك بيل، علشان يخير والدها مابين أنه يتجوز بيل ياما يوديه مصحة المجانين، بسبب اللي قاله على الأمير المسحور والقصر اللي كانت بيل مسجون فيه.
• وهنا بيل مش هترضى تتجوز جاستون، وحاولت تقنعهم أنه باباها مش مجنون، وأن فعلاً في أمير مسحور لشكل وحش، وهي كانت معاه، لكن بيل حاولت تفهمهم أنه كويس، وأنه طيب ومش شرير.
• وعشان تثبت كلامها خلت الناس تبص في المراية، وتشوف الوحش، ودي كانت غلطة كبيرة، عملتها في حقها وحق الأمير المسحور.
• جاستون الشرير لم كل الناس في القرية وأخدهم وراحوا لقصر الأمير المسحور، علشان يموتوه، لكن بعد مواجهه شديدة وعنيفة بين جاستون والأمير الوحش، قدر الأمير أنه ينقذ نفسه وينقذ بيل، وكمان اتخلص من جاستون، وكل اللي معاه.
• وبكده تكون انتهت الأحداث السيئة في القصة وهتبدأ الحاجات الحلوة، وهي عودة الأمير بشكله القديم الجذاب الجميل، وبكدا اتبطل مفعول السحر، وده طبعاً علشان بيل حبت الوحش بشكله الوحش، ومعملتش معاه زي معمل مع الست العجوزة، لما كانت متسخة و متبهدله.

الجميلة والوحش من قصة الجميلة والوحش نتعلم أننا ندي فرصة للشخص اللي قدامنا ونفهمه، ومهما كان شكل الإنسان ما ينفعش أن إحنا نظلمه، كمان نتعلم أننا نساعد غيرنا، لأننا لو مسعدناش حد مش هنلاقي حد يساعدنا في وقت منحتاج للمساعدة، فاحنا المفروض نكون كويسين ونقدم مساعدة لأي حد محتاجها، مهما كان شكله ومهما كان اسمه وسنه، وده واجبنا أننا نكون دائما في أتم الاستعداد لمساعده أي حد، لأن مسير في يوم من الأيام اللي إحنا عملناه هيتردلنا، وعشان كده إحنا المفروض نعمل كل حاجة كويسة وكل حاجة حلوة، تقدروا تشوفوا كل قصص وحكيات الأطفال من خلال متابعة موقع أم دوت طفل.