الأميرة النائمة| قصص أطفال قبل النوم

 الأميرة النائمة, في يوم من الأيام كانت في بنت قمورة اسمها سلسبيل وكانت سلسبيل عندها  أسرة جميلة عبارة عن أب  وأم بس مكانش عندها إخوات, بس كان عندها صحبات مامتها كانت بتعتبرهم خالاتها, لأنهم كانوا بيحبوها جدًا وطول الوقت خايفين عليها انها تخرج برا القصر, بس سلسبيل مكانتش عارفة إي الأفورة دي وليه الخوف دا كله, بس بمرور الوقت سلسبيل عرفت الحكاية كاملة في نهاية الأحداث, تابعونا على موقع أم دوت طفل وهتعرفوا أحداث قصة الأميرة النائمة بالتفصيل. الأميرة النائمة| قصص أطفال قبل النوم

الأميرة النائمة| قصص أطفال قبل النوم

كانت سلسبيل بنت ملك المدينة بس الملك دا عمل حاجة في حياته خلاته طول الوقت خايف على بنته من الأعداء, ومستني في أي وقت يحصلها حاجة وقلقان طول الوقت, وأول قصة الأميرة النائمة بتبدأ بوفاة مامتها يا ترى دا طبيعي ولا سببه سحر وشر؟, عشان تعرفوا إيه اللي هيحصل كملوا معانا:

• في يوم من الأيام صحيت البنت القمورة سلسبيل من على سريرها وهي خايفة ومفزوعة على صوت الخدامين في القصر وهم بيعيطوا, وخصوصًا الستات اللي كانوا طول الوقت مع الملكة وبيخدموها.
• كان الصوت جاي من الأوضة اللي قصاد أوضة سلسبيل, ودي كانت أوضة السلطان ومراته, راحت بسرعة سلسبيل تجري ناحية أوضة أبوها وأمها لقت الخدامين كلهم واقفين بيعيطوا, وأبوها قاعد على الأرض بيعيط ومراته وشها متغطي بملاية السرير.
• في الوقت دا عرفت سلسبيل إن مامتها ماتت, ودا كان شيء طبيعي جدًا يعني قدرها كدا مش سحر ولا حاجة, سلسبيل مكانتش بتعيط دي سابت المكان خالص من سكات وهي منهارة من جواها وطلعت تجري برا باب القصر مش عارفة تروح فين وتشكي لمين.
• خرجت لوحدها من غير ما حد من الخدم ياخد باله ومفيش حد حتى وقفها, لحد ما رجليها خدتها للغابة اللي ورا القصر اللي ياما والدها حذرها منها ومن الشر اللي بيحوط عليها, بس هي طبعًا كل دا وهي مش في وعيها.
• وقفت سلسبيل عند شجرة ضخمة وانهارت على الأرض تعيط وبترتعش مش قادرة تستوعب موت مامتها, فضلت على الحال دا لحد ما نامت, والدنيا ضلمت وهي لسا نايمة لوحدها جوا الغابة.
• صحيت سلسبيل من النوم لقت نفسها بالليل بس كان الوقت قرب الفجر كدا, وخافت وقتها وعرفت إن كل اللي فات دا مكانش حلم فعلا مامتها ماتت وسابتها, لحد ما جات هنا ونامت, وخافت أكتر لما إتأكدت إن المكان اللي هي فيه دلوقت الغابة المخيفة.

مواضيع قد تهمك: قصص أطفال قبل النوم مكتوبة| ملكة الثلج. الأميرة النائمة| قصص أطفال قبل النوم

صوت بيجذبني ليك

كان في صوت غريب  بيجذب الأميرة إنها تكمل طريقها وسط الضلمة والخشب المكسور, بس كان لازم تفضل حتى في مكان يمكن يلاقيها والدها لما يدور عليها, بس لسا برضو هي مكملة طريقها جوا الغابة العميقة يا ترى هتضيع وتتوه ولا حد هينقذها؟, دا اللي هنعرفه في قصة الأميرة النائمة السطور الجاية:

• سلسبيل كانت بتسمع وهي ماشية أصوات زي الهمسات كدا حد بيوشوشها, بس هي مش قادرة تسمع الصوت دا بوضوح ومش قادرة حتى تصنفه صوت راجل ولا ست, وفضلت ماشية ناحية الصوت لحد ما شافت حشرات بتنور كانت متونسة بيها واطمنت شوية.
• بس لسا برضو حد بيوشوشها كأنه عايزها تروح مكان معين, فضلت سلسبيل ماشية لحد ما سابت الحشرات اللي كانت بتنورلها, ورجعت الدنيا ضلمت تاني بس اللي ونسها للمرة التانية ست جميلة أوي وشعرها طويل.
• كان جمالها يحسسك كأنها مش من الدنيا أو كأنك شايف جزء من الخيال والسحر, بس كانت كبيرة شوية في سن 40 سنة كدا كانت تقريبًا أكبر من والدة سلسبيل ب 4 سنين.
• كانت الست دي لسا فيها أنوثة رغم انها كبيرة وكان عندها جناحين ورا ظهرها, وليها قرنين في راسها زي الغزال.
• قربت سلسبيل منها رغم انها حاجة مخيفة إنها تشوف حاجة زي كدا عمرها في حياتها ما شافتهاوقالتلها إنت مين, هو انت سيدة الغابة دي, بس طبعا كانت الست الحلوة دي بتختفي كل مرة عشان سلسبيل متقربش منها.
• بس سلسبيل الشقية كانت عنيدة وحابة تلمسها كانت عفوية أوي, ودا اللي خلاها تسمحلها بكدا لما لاقت الفضول قاتلها.
• بس كانت سلسبيل طول الوقت تتغزل فيها وتقولها دول خوفوني كتير من الغابة دي, مكنتش أعرف إن فيها الجمال دا كله, انت مش شريرة أبدًا باين عليكي حد كويس جدًا وأنا مرتاحة معاكي.
• بس هي مكانتش بترد عليها كانت بتسيبها تكلم نفسها, رغم انها كان هدفها شر بالبنت دي وان السحر يتحقق فيها وتنام نوم الموت ومحدش يقدر يصحيها تاني, غير ببوسة من حبيبها دا لو كان عندها حبيب.
• دا كان الشرط الوحيد اللي هي حطيته عشان السحر يروح عنها, عشان هي في يوم من الأيام كانت بتحب برضو ومش متصورة إن في حب حقيق في العالم دا.
• الأميرة سلسبيل طبعا ما كانتش بتخرج من القصر طبعًا عشان خاطر تقابل شاب تعجب بيه وتحبه, مكانتش زي أي بنت مراهقة عايزة تعيش قصة حب, بس هي حبت إنها تفضل في الغابة مع الست الحلوة دي وحبتها.
• بمرور الوقت سيدة الغابة فعلا حبت سلسبيل ومين ميحبش البرائة والنقاء دا, لدرجة إن الغل اللي جواها راح وبقت عايزة سلسبيل تفضل بخير وخايفة عليها من السحر اللي عملته عشانها.

مواضيع قد تهمك: بياض الثلج والأقزام السبعة| قصص ديزني. الأميرة النائمة| قصص أطفال قبل النوم

الأميرة تدخل في غيبوبة السحر

كانت الست الحلوة دي بالمناسبة اسمها مارلين, مكانتش بتفكر أبدًا في مصير سلسبيل ولا مشفقة عليها لكن مع الوقت بعد الحب انقلب البرود دا لقلق, حست مارلين إن سلسبيل محتاجة لحب حقيقي عشان متفقدهاش خالص, كملوا الأحداث على موقع أم دوت طفل في السطور الجاية من قصة الأميرة النائمة:

• حاولت مارلين إن هي تدور على حبيب لسلسبيل والأميرة حست بأن مارلين مش على طبيعتها في حاجة موتراها, بس هي كانت بتضحك عليها بأسطورة الغابة اللي الناس كانوا بيحكوا عنها.
• وكانت بتقولها إنها خايفة عليها من سحر الغابة عشان في قانون, وهو إنها لازم يكون ليها حبيب عشان تقدر تقعد في الغابة زي ما تحب, وإلا هيتم طردها بطريقة مش كويسة وهيكون فيها ضرر عليها.
• طبعا سلسبيل مقتنعتش وقالتلها يعني ايه؟, قالتلها لازم يكون عندك حد يحبك أوي من قلبه, واحنا عايزينه بسرعة بس طبعًا مكانتش عندها فكرة تجيب الحد دا منين.
• سلسبيل ضحكت وقالتلها بعفوية طب بسيطة مانا بحبك وأنت حبيبتي ودا كفيل إنه يخليني أفضل في الغابة عادي, هو لازم يعني أحب راجل؟.
• مشيت مارلين وهي زهقانة من عفوية سلسبيل لأنها مش فاهمة الحقيقة, بس فضلت تفكر هو ممكن هي نفسها اللي عملتلها السحر تفكه, ببوسة منها على خدها.
• وجه في بال مارلين اللحظة اللي سابها فيها الملك سلطان أبو سلسبيل, وخيانته ليها ودا خلاها تتغاظ أكتر بس مش قادرة تضر سلسبيل لأنها بقت جزء منها, هي متقدرش تستغنى عنها لمجرد أن أبوها كان حد وحش معاها.
• قررت مارلين انها تحكي لسلسبيل على قصة حبها هي ووالدها وتقولها على حكاية السحر اللي عملتهولها, بس طبعًا اتاخرت أوي في الوقت اللي أخدته مع نفسها تشوف حل, كانت سلسبيل بتبعد وتروح للمكان اللي فيه الابر العملاقة.
• وفعلا اتجرحت في دراعها ونزفت كتير واللي لحقتها مارلين على آخر لحظة, بس للأسف السحر مسها وفضلت في غيبوبة أسبوع كامل.
• طبعًا مارلين مسكتتش جابتلها واحد أعجب بيها لما شافها وهي نايمة وباسها بس مفاقتش, لأنه أكيد مش بيحبها دا شخص معجب بس.
• حاولت مالرين كتير مفيش حد يقدر يصحيها من الغيبوبة دي, بس افتكرت كلامها معاها لما قالتلها هو لازم يكون راجل مانا بحبك وأنت حببتي.
• فعلا قررت مارلين تبوس الأميرة النائمة بس مفاقتش علطول, أخدت وقت يوم كامل وبعد كدا رجعت طبيعية جدًا, وخرجت لمارلين اللي مكانتش متوقعة إن الأميرة النائمة هتفوق بسرعة كدا.
• مارلين حضنت سلسبيل بشوق كبير أوي كأن بينهم سنين أوي متقابلوش, بس طلبت منها تسامحها وقالتلها إن كل اللي قالته كان كدب هي سحرتها, وأسطورة الغابة مجرد كدبة وحكتلها قصتها مع والدها سلطان.
• بس سلسبيل كل دا مأثرش فيها خالص بل بالعكس, فضلت تحبها أكتر من الأول وروحت لأهلها في القصر وودعتها ووعدتها هتجيلها الغابة كل يوم تشوفها, وفضل في حب كبير أوي جوا قلب سلسبيل للغابة دي.

مواضيع قد تهمك: علاء الدين وياسمينا| قصص ديزني بالعامية. الأميرة النائمة| قصص أطفال قبل النوم وأخيرًا انتهت قصة الأميرة النائمة على موقع أم دوت طفل ونتمنى إنكوا تكونوا استمتعتوا ويانا بالقصة الخيالية دي, اللي ممكن تحكيها لابنك أو بنتك كقصة قبل النوم, وتابعونا في لسا حكايات حلوة هنكتبهالكو في القصص الجاية, سلام.