الشجاعة| قصص أطفال عامية، قصة النهاردة بتتكلم على البنت جميلة شعرها أحمر وأميرة كمان، بتحب المغامرات والرماية، كانت دائما بتتعلم الرماية في الغابة وكانت ماهرة وشاطرة جداً، قصتنا النهاردة عن الأميرة ميردا، إلي هتتحدي كل الناس علشان تكون زي ما هي عايزة، على الرغم من أنها هتواجه مشكلات كبيرة في حياتها، لكنها قررت أنها تكتب قصتها بأيدها.، تابعوا قصة
الشجاعة عبر
موقع أم دوت طفل.
قصة
الشجاعة|قصص أطفال عامية
قصة الشجاعة|قصص أطفال عامية
- في يوم من الأيام في إحدى الممالك كان في ملك وملكة ومعاهم بنتهم اللي أسمها ميردا، أمها كانت عايزة تجوزها بأمير من الأمراء في الممالك المجاورة لهم.
- وجات مامتها تكلمت معها في الموضوع، وحكتلها عن الجواز وازاي تكون أسرة وتتحمل مسؤولية وأنها أميرة ولازم تكون جزء من التحالف دا، طبعاً الأميرة رفضت، وقالت أنا مش عايزه اتجوز، أنا عايزه أفضل كده، حرة، واتمرن على السهام واكتشف حجات في الغابة.
- طبعا الكلام ده معجبش الملكة، وأصرت إن بنتها تتجوز واحد من الأمراء، وقالت لها أن إحنا خلاص الموضوع طلع من أيدنا، واحنا عاملين حفلة اللي هيفوز بيها هيتجوزك، علشان إحنا عايزين نقوي علاقتنا بالملوك المجاورين لنا.
- زعلت الأميرة لكن مكنش بأيدها أي حاجة تقدر تعملها، أخدتها مامتها ولبستها فستان، وخلتها تستعد لحضور الحفلة غصب عنها.
- بدأت الناس تيجي، وجي حكام وأمراء العشائر المجاوره، وطبعا كل أمير جاي يشارك عشان يتجوز ميردا، وده طبعا هيكون شرف كبير لهم.
- وبدأت الحفله وكل واحد من الأمراء مسك السهم بتاعه وحاول أنه يرمي السهم في اقرب حته من الدائرة الخشبية، وعايز يجيب السهم بالمركز وبكده يكون هو اللي هيفوز.
شاهد الزوار:علاء الدين وياسمينا| قصص ديزني بالعامية
قصة الشجاعة|قصص أطفال عامية
مسابقة الفوز بالاميرة الشجاعة
- وفعلاً بدأ كل واحد منهم يرمي سهمه، الأمير الأول، رمي السهم بتاعه وجي بعيد خالص خالص عن المركز، زعل طبعاً الملك والده والعشيرة بتاعته، لأنه كدا فرصته أنه يتجوز الأميرة بقت صعبة.
- وجي دور الأمير التاني، وراح يرمي السهم، ودخل جوه الدايره ولكن ما كانش قريب من المركز، فرح الامير والعشيره بتاعته على أساس يعني أنهم حققوا إنجاز، رغم أنه مفزش في المسابقة خالص.
- وجي دور الأمير الأخير، وجابوا السهم في مركز المركز وكده يكون فاز الأمير، وخلاف بقا هياجوز الأميرة، ولكن ملحقش، يفرح هو وعشيرته.
- لان الأميرة جابت السهم بتاعها وقررت أنها بقى إيه تتجوز نفسها، بدأت كلامها وقالت " أنا الأميرة ميردا، وهشارك في السابق ده علشان أتجوز نفسي"، ودا لأنها مش شايفه أي واحد من الأمراء دول ينفع يكون جوز لها، كمان هي أصلا عايزه تعيش حرة ومش عايزه تتجوز حد.
- بدأت الأميرة واخدت السهم، وبدأت تركز على الهدف ودخلت سهم في مركز كل لوح خشبي من الألواح، وكده الأميرة تكون هي اللي فازت، وكل اللي حصل في الحفلة ما لوش أي لازمة، وكانت فاكره إن لحد هنا والمشكلة تكون تحلت.
- ولكن بصت لها مامتها واتخانقت معها وقالت لها، " أنت ازاي تعملي كده، أنت فضحتينا بين كل ملوك العشائر الثانية، بدل ما كنا هنعمل تحالف عملنا فضيحة.
شاهد أيضاً:بياض الثلج والأقزام السبعة| قصص ديزني بالعامية
مسابقة الفوز بالاميرة الشجاعة
هروب الشجاعة للغابة
- زعلت ميردا من اللي قالته مامتها وأخدت نفسها وهربت من البيت، وفضلت تمشي في الغابة على أمل أن هتلاقي أي حل، وهي ماشيه اتفاجئت بنور بيمشي وعايزها هتمشي وراه.
- فضلت تمشي وراء النور لحد ما وصلت مكان مهجور في الغابة، فتحت الباب ولقت عصاية سحرية، ومن هنا فهمت أن المكان ده بيت ساحرة، دخلت للساحرة وطلبت منها أنها تساعدها في المشكلة اللي عندها.
- وافقت الساحرة ولكن طلبت من ميردا أن تديها مقابل للمساعدة، مقابل أنها تلاقي حل في موضوع الجواز، وأنها عايزة تخلص منه، فكرت الساحرة، وقالت لها تمام أنا هاعمللك وصفة سحرية جوه كيكة، تاخديها وتديها لمامتك، وهنا هتتحل المشكلة بتاعتك، وافقت ميردا وأخدت الكيكة، وطلعت على القصر بتاعهم.
هروب الشجاعة للغابة
تحويل أم الشجاعة وأخواتها لدببه
- أخدت ميردا حته كيكة في طبق وراحت لوالدتها ودخلت وهي مخبياها، وسألتها إيه رأيك في موضوع الجواز، قررتي فيه إيه، ردت مامتها وقالت لها أن مفيش حاجة تغيرت، راحت ميردا عرفت أن مفيش حل مع مامتها غير أنها تاكل الكيكة المسحورة،.
- وهنا بصت لمامتها وابتسمت لها وقالت لها، "أنا عملت لك كيكة لذيذة، وكلت الملكة بسرعة وفرحت أن بنتها مهتمة بيها، ومكنتش فاكره إن بنتها خانتها، وأدلتها كيكية مسحورة.
- فضلت الملكة تاكل منها فاجأه بدأت تحس بألم، وعمال يزيد بسرعة، قلقت الملكة وسألت بنتها أنتي حطيتي أي في الكعكة.
- وفجأة أم ميردا وقعت في الأرض وبدأت ميردا تسمع صوت غريب، وهنا بصت لأمها تلقتها تحولت لدب.
- خافت ميردا من اللي حصل لأمها، وقررت أنها تاخدها توديها للساحرة في الغابة، علشان ترجع مامتها زي ما كانت، ولكن برضو عملت غلطة كبيرة، ومركزتش، وكمان هينتج عنها مصيبة هتعرفها ميردا متأخر.
- وهي أنها سابت الكيكة في المطبخ وأخواتها الصغيرين كلهم أكلوا منها، وهنا أخواتها الثلاثة تحولوا لدببه.
تحويل أم الشجاعة وأخواتها لدببه
ذهاب الشجاعة للساحرة
- أخدت ميردا أمها علشان توديها للساحرة، ولكن اكتشفت بعد موصلت لبيت الساحرة أنها مش قاعدة أصلا.
- بس كانت سايبه لها رسالة علشان تحل بها لغز الساحرة.
- حاولت ميردا ترجع مامتها زي ما كانت، لكنها ما كنتش عارفه الطريقة الصح اللي ترجع بها النسيج زي ما كان.
- أخدت مامتها ورجعت تاني للبيت، وراحت للنسيج المقطوع وحاولت أنها تحله، لكن بعد متمت خياطة النسيج متغيرتش أي حاجة في مامتها، وفضلت مامتها وأخواتها زي مكانوا.
- وفجأة حصلت حاجة مش لطيفة وهي إن والد ميردا، شم ريحة الدب، ومكنش عارف أن الدبة دي تبقي مراته، وراح علشان يموتها لكن ميردا لحقت مامتها وعرفوا يهربوا للغابة.
- وفي الي حصل دا ميردا كانت ندمانه على اللي هي عملته، وكانت عايزة تحل الموضوع بدون ما يحصل أي مشكلة لحد منهم.
ذهاب الشجاعة للساحرة
- لكن راحت في المكان اللي المفروض مامتها ترجع فيه إنسانه طبيعية، وحاولت أنها تفكك التعويذة، وفهمت باباها والناس إن دي مامتها، وأنها عملت التعويذة عند الست الساحرة علشان تحل موضوع الجواز.
- وجي وقت الغروب، ودا كان آخر وقت ممكن تتحل فيه التعويذة، وكل شيء يرجع زي مكان، وميردا قعدت جمب مامتها وفضلت تعيط، وكانت ندمانه جدا.
- وفي اللحظة دي اتفك السحر عن مامتها وأخواتها، ورجعوا زي مكانوا، وهنا ميردا عرفت أن الساحرة كان قصدها النسيج العائلي، مش النسيج ال قطعته ميردا القماش.
- واتصلحت العلاقة بين ميردا وأهلها، وكلهم رجعوا زي مكانوا، والعيلة رجعت سعيدة، واتعلمت ميردا أنها متتسرعش، وتاخد قرار غلط زي معملت.
شاهد الزوار: الأميرة النائمة|قصص أطفال قبل النوم
قصة الشجاعة
وكده نكون تعلمنا أننا منسمعش كلام أي حد غريب ويصدق كلامه، ونأذي حد قريب مننا، زي ما عملت ميردا، وسمعت كلام الساحرة واتحولت أمها لدب، وأخواتها كمان، بس لازم نتعلم من قصة
الشجاعة دي أن أي أم وأب مش لازم يجبروا أولادهم على أنهم يعملوا أي شيء، ويكون في بعض المساحة لكل شخص يمارس فيها حريته، تقدروا تشوفوا كل قصص العامية عبر
موقع أم دوت طفل.
